HABARI NJEMA ZA NENO LA MUNGU.

 HABARI NJEMA ZA NENO LA MUNGU.

MITHALI 15
3.Macho ya Bwana yako kila mahali;Yakimchunguza Mbaya na Mwema.
FUNDISHISHO.
Neno la Leo linatusisitiza kuwa Mwanadamu huwezi kumficha Mungu Jambo/Tendo Lolote.
Kama kuna jambo ambalo mwanadamu hujidanganya! Basi ni hili la kujificha wakati wa kutenda dhambi, akidhani kuwa kwasababu watu hawajamuona, basi hata Mungu hajawaona. Halafu utaona wanajifariji na kesho yake utamuona kanisani/hata kwenye Mikusanyiko ya Kidini,Akihudumu.
Huko ni kujidanganya sana.
Kama macho ya Mungu yako kila mahali yakimchunguza mwema na mbaya, wewe unamdanganya nani? Tambua jambo moja kuwa utamficha Mchungaji wako na washirika wenzako kanisani, lakini Mungu anakutambua vizuri tabia na mienendo yako kuwa ni michafu na haustahili katika ufalme wake.
Sasa hapo ujiulize ni jambo lipi utakalolifanya Mungu asilijue, kama anajua hadi mawazo yako unayoyawaza kabla ya kutenda jambo wenyewe?
Pia tambua kuwa hakuna jambo lililofichwa mbele za Mungu
Kwahiyo kwasababu hakuna jambo tunaloweza kulificha mbele za uso wa Mungu, hatuna budi kutenda yaliyo mema ili tuweze kuhesabiwa haki mbele zake.Kwa kutubu na kuziacha njia zetu mbaya zote.Maana Mungu watu ni mwenye huruma Atatusamehe kabisa wala hatakumbuka Muovu yetu ya Kwanza. Rejea. zaburi 139:1-4 1samweli 16:7 Waebrania 4:13
Mtakatifu Mtakatifu Bwana wa Majeshi Asante kwa kutulinda na hatari zote za usiku umetuwezesha kuiona tena siku hii mpya kwetu, wapo wenzetu wengi walitamani kuiona siku hii Lakini hawakuiona sio kwamba wao ni wenye dhambi kuliko sisi au sisi ni wenye haki kuliko wao ila ni kwa Neema Yako tu kwetu Mungu wetu.
Tunawaombea Wagonjwa mbalimbali waliopo katika Mahospatali Mbalimbali na wanaougulia Majumbani na sehemu mbalimbali wengine wapo safarini katika harakati za kutafuta Matibabu sahihi kwa Magonjwa yao,pia wapo ambao ni Wagonjwa Lakini bado hawajatambua kama ni Wagonjwa pamoja na wazee kwa umri wanaopitia Magonjwa na madhaifu mbalimbali kwasababu ya umri mkubwa Tunawaombea wote kila mmoja umguse na mkono wako wa Uponyaji na kuwaponya kabisa Magonjwa yao kwa kuwa Bwana Wewe ndiye Mponyaji pekee. Wapo miongoni mwetu wanaopitia Majaribu mbalimbali katika Maisha yao ya kila siku,Tunakuomba Bwana wetu waondolee yote hayo ikiwemo kutengwa na Jamii,kukosa Amani katika Mahusiano yao,Ndoa,Manyanyaso mbalimbali katika ajira zao pamoja na masengenyo pia wapo wanaokosa hata Mlo Moja kwa siku,Tunakuomba uwaondolee hayo yote ili nao waweze kufurahia Maisha yao uliyowapatia hapa Duniani.
Tunaomba yote haya tukiongozwa na Roho Mtakatifu kwa jina la Yesu Kristo Bwana na Mwokozi wetu. AMEEN
Gwakisa fk
05.06.2022

Comments

Post a Comment

Popular posts from this blog

LINDA SAANA MOYO WAKO KULIKO VYOTE ULINDAVYO: JINSI YA KULINDA MOYO WAKO-I

  Mithali 4;23 "Linda moyo wako kuliko yote uyalindayo; Maana ndiko zitokako chemchemi za uzima" Bwana Yesu asifiwe,karibu tujifunze kwa pamoja kwa Roho wa Kweli jinsi ya kulinda moyo wako.Somo letu litakuwa likitoka katika kitabu cha Mithali 4;23 Ni Neno ambalo linaweza likawa sio mara yako ya kwanza kulisikia lakini embu fungua moyo wako ili Mungu akufundishe kwa undani juu ya Mstari huu,nami naamini baada ya kusoma hutabiki na ufahamu uliokuwa nawo kabla ya kusoma na mfumo wa maisha wako utaathiriwa na ufahamu ambao neno hili litauachilia ndani yako. Neno linasema Linda moyo wako kuliko yote uyalindayo,maana huko ndiko zitokako chemichemi za Uzima" Kitu cha kwanza unachotakiwa kujua ni kuwa Unajukumu la kuulinda moyo wako,tena kuulinda kuliko yote ulindayo. Tuanze kwaa kujifunza Moyo ni nini hasa hata tukatakiwa kuulinda kuliko vyote tunavyolinda. Kwa lugha nyepesi Biblia inazungumzia Moyo kwa maana kama 4 hivi; a)Moyo ni chanzo/kiini cha Uhai wa kitu. b)Moyo ni kiun...
Read more

VINYWA VYA MOYO: JINSI YA KULINDA MOYO WAKO-2

  Mithali 4;23  " Linda moyo wako kuliko yote uyalindayo; Maana ndiko zitokako chemchemi za uzima” Karibu tuendelee kujifunza jinsi ya Kulinda Moyo, leo tunaendelea kwa Kuangalia Vinywa vya Moyo ambavyo kwa hivyo Moyo wa mtu Hula. Vinywa vya Moyo 1.                  Macho. Macho ni mdomo wa moyo, chochote kiingiacho kwa macho hicho huenda moja kwa moja kwenye moyo na hicho ndicho kiwezacho kuutia moyo Unajisi.Mtu anapokuwa anatazama kwa macho yake anakuwa anakula, yaani anamlisha mtu wa ndani (moyo wake).Yesu alisema mtu mwema kutoka kwenye akiba njema na mtu mwovu kutoka kwenye akiba mbovu, hapo juu nimekwambia kuwa Akiba hukaa ghalani na akiba haijii automatically kwenye ghala, bali huwekwa ghalani na ndipo baadae hutoka.   Tuangalie kwenye Mithali Jinsi akiba inavyotengenezwa ndani ya moyo na baadae itadhihirika.Weka ili moyoni kuwa kuna milango ambayo kwa hiyo kilichoko ...
Read more

Ufanye Nini Unapoumizwa Moyo Na Watu Wako Wa Karibu/ Jinsi Ya Kupokea Uponyaji kwa Moyo Ulioumizwa

  Ikiwa umeshindwa kuulinda moyo wako kwa sababu ya kuzidiwa na mambo magumu na mabaya sana; usikate tamaa, bado tumaini lipo. Wengi hudhani kwamba upako wa Roho Mtakatifu ni kwa ajili ya kuhubiri habari njema na kuombea wagonjwa tu. Lakini Neno la Mungu linaonyesha wazi kwamba kuna upako wa kuganga mioyo iliyovunjika. Isaya 61:1 inasema , “Roho ya Bwana Mungu i juu yangu; kwa sababu Bwana amenitia mafuta niwahubiri wanyenyekevu habari njema;  amenituma ili kuwaganga   waliovunjika moyo. ”  Lipo tumaini la kupata uponyaji wa moyo uliovunjika. Kama Neno la Mungu linavyosema. Upo upako wa kuganga moyo uliovunjika. Uponyaji wa moyo ulioumizwa huambatana na uponyaji wa magonjwa yanayotokana na kuumizwa moyo. Njia zifuatazo zinaweza kukusaidia kupata uponyaji wa moyo wako 1. Kumwomba Mungu Kama vile mgonjwa anavyomwomba Mungu kwa ajili ya uponyaji wa magonjwa, ndivyo unaweza kumwomba Mungu akuponye moyo wako. Kuna upako maalum wa kuponya mioyo iliyoumia. Haijalis...
Read more