MSIFU, MUABUDU NA MSHUKURU MUNGU. Zaburi 147 na Zaburi 148

Baba yetu uliye mbinguni, jina lako litukuzwe, jina lako liinuliwe, jina lako libarikiwe; kwakuwa jina lako, lapita majina yote. Ee Mungu, hakuna Mungu mwingine aliye kama wewe. Peke yako, ndiwe Mtakatifu, peke yako, ndiwe mwaminifu sana, peke yako ndiye uliye juu. Hakuna Mungu kama wewe Baba, kwa maana, peke yako ndiye mwenye rehema na upendo mkuu namna hii, hata kuusmehe maovu yetu na kutoyakumbuka kabisa. Wewe ni Mungu mwenye upendo na rehema.

Baba, Wewe ni Mungu mwenye nguvu za ajabu, peke yako ndiye unayeweza mambo yote; hakuna lililo gumu kwako. Baba, wewe ndiwe uliyejaa hekima na nguvu. Hakika, hakuna Mungu kama wewe Bwana. Ee Mungu wa mbinguni, ninakuabudu kwa tabia zako; na ninakusifu wewe peke yako, kwasababu ya matendo yako ya ajabu. Nami ninakutukuza pia, kwa ajili ya yale uliyokusudia kufanya na kwa yale uliyoahidi kufanya katika maisha yetu Baba. Pokea sifa zangu/zetu na ibada yangu/yetu. Hakika, hakuna Mungu kama wewe. Huko mbinguni, huku duniani na hata kule kuzimu, hakuna Mungu kama wewe. Jina lako libarikiwe sana, Ooh Haleluyah! Kwasababu
Wewe ndiwe Adonai, kwa maana wewe ndiwe Mungu mwenye enzi yote, uliye juu ya yaote.
Wewe ndiwe El- Ohinu, kwa maana wewe ndiwe Bwana Mungu wetu, sina kimbilio jingine.
Wewe ndiwe El-Gibor, kwa maana wewe ndiwe Mungu mwenye nguvu zote.
Wewe ndiwe El-Eliyon,  kwa maana wewe ndiwe Mungu uliye juu sana sana.
Wewe ndiwe Elohim, kwa maana wewe ndiwe Mungu muumbaji wa hivi vitu vyote.
Wewe ndiwe Jehovah Mekadesh, kwamba wewe ni Mungu utakasaye na kutousha makosa yetu
Wewe ndiwe Jehovah Shamah, Mungu wangu unayenizunguka na kunijaza kwa uwepo wako.
Wewe ndiwe Jehovah Saboath, Mungu wangu unayenipigania kwa majeshi yako na nguvu.
Wewe ndiwe Jehovah Nisi, Mungu wangu unayenishindia vita na mapambano yangu yote.
Wewe ndiwe Jehovah Rafa, Mungu wangu unayeniponya na kuhuisha afya yangu kila siku.
Wewe ndiwe Jehovah Shalom, Mungu wangu unayenijaza kwa amani yako na furaha yako.
Wewe ndiwe Jehovah Rohi, Mungu wangu unayenichunga na kuniongoza ktk malisho mazuri.
Wewe ndiwe Jehovah Yire, Mungu wangu mtoaji, unayenipa kila kitu ninachohitaji maishani.
Wewe ndiwe El-Shaddai, Mungu wangu unayenitosheleza kwa yote ninayohitaji maishani.
Ee Baba yangu, Jina lako libarikiwe, jina lako litukuzwe, jina lako liinuliwe kuliko majina yote

Comments

Post a Comment

Popular posts from this blog

LINDA SAANA MOYO WAKO KULIKO VYOTE ULINDAVYO: JINSI YA KULINDA MOYO WAKO-I

  Mithali 4;23 "Linda moyo wako kuliko yote uyalindayo; Maana ndiko zitokako chemchemi za uzima" Bwana Yesu asifiwe,karibu tujifunze kwa pamoja kwa Roho wa Kweli jinsi ya kulinda moyo wako.Somo letu litakuwa likitoka katika kitabu cha Mithali 4;23 Ni Neno ambalo linaweza likawa sio mara yako ya kwanza kulisikia lakini embu fungua moyo wako ili Mungu akufundishe kwa undani juu ya Mstari huu,nami naamini baada ya kusoma hutabiki na ufahamu uliokuwa nawo kabla ya kusoma na mfumo wa maisha wako utaathiriwa na ufahamu ambao neno hili litauachilia ndani yako. Neno linasema Linda moyo wako kuliko yote uyalindayo,maana huko ndiko zitokako chemichemi za Uzima" Kitu cha kwanza unachotakiwa kujua ni kuwa Unajukumu la kuulinda moyo wako,tena kuulinda kuliko yote ulindayo. Tuanze kwaa kujifunza Moyo ni nini hasa hata tukatakiwa kuulinda kuliko vyote tunavyolinda. Kwa lugha nyepesi Biblia inazungumzia Moyo kwa maana kama 4 hivi; a)Moyo ni chanzo/kiini cha Uhai wa kitu. b)Moyo ni kiun...
Read more

VINYWA VYA MOYO: JINSI YA KULINDA MOYO WAKO-2

  Mithali 4;23  " Linda moyo wako kuliko yote uyalindayo; Maana ndiko zitokako chemchemi za uzima” Karibu tuendelee kujifunza jinsi ya Kulinda Moyo, leo tunaendelea kwa Kuangalia Vinywa vya Moyo ambavyo kwa hivyo Moyo wa mtu Hula. Vinywa vya Moyo 1.                  Macho. Macho ni mdomo wa moyo, chochote kiingiacho kwa macho hicho huenda moja kwa moja kwenye moyo na hicho ndicho kiwezacho kuutia moyo Unajisi.Mtu anapokuwa anatazama kwa macho yake anakuwa anakula, yaani anamlisha mtu wa ndani (moyo wake).Yesu alisema mtu mwema kutoka kwenye akiba njema na mtu mwovu kutoka kwenye akiba mbovu, hapo juu nimekwambia kuwa Akiba hukaa ghalani na akiba haijii automatically kwenye ghala, bali huwekwa ghalani na ndipo baadae hutoka.   Tuangalie kwenye Mithali Jinsi akiba inavyotengenezwa ndani ya moyo na baadae itadhihirika.Weka ili moyoni kuwa kuna milango ambayo kwa hiyo kilichoko ...
Read more

Ufanye Nini Unapoumizwa Moyo Na Watu Wako Wa Karibu/ Jinsi Ya Kupokea Uponyaji kwa Moyo Ulioumizwa

  Ikiwa umeshindwa kuulinda moyo wako kwa sababu ya kuzidiwa na mambo magumu na mabaya sana; usikate tamaa, bado tumaini lipo. Wengi hudhani kwamba upako wa Roho Mtakatifu ni kwa ajili ya kuhubiri habari njema na kuombea wagonjwa tu. Lakini Neno la Mungu linaonyesha wazi kwamba kuna upako wa kuganga mioyo iliyovunjika. Isaya 61:1 inasema , “Roho ya Bwana Mungu i juu yangu; kwa sababu Bwana amenitia mafuta niwahubiri wanyenyekevu habari njema;  amenituma ili kuwaganga   waliovunjika moyo. ”  Lipo tumaini la kupata uponyaji wa moyo uliovunjika. Kama Neno la Mungu linavyosema. Upo upako wa kuganga moyo uliovunjika. Uponyaji wa moyo ulioumizwa huambatana na uponyaji wa magonjwa yanayotokana na kuumizwa moyo. Njia zifuatazo zinaweza kukusaidia kupata uponyaji wa moyo wako 1. Kumwomba Mungu Kama vile mgonjwa anavyomwomba Mungu kwa ajili ya uponyaji wa magonjwa, ndivyo unaweza kumwomba Mungu akuponye moyo wako. Kuna upako maalum wa kuponya mioyo iliyoumia. Haijalis...
Read more